Әгерҗедә томография узып буламы

“Яңа поликлиникада компьютер томографы барлыгын ишетеп тә, газета аша укып та беләбез. Әлеге аппарат эшли башладымы әле? Тикшеренү узар өчен кая мөрәҗәгать итәргә була?”
Р.ЗАРИПОВА. 
Әгерҗе шәһәре. 

Сорауга район үзәк хастаханәсе баш табибының поликлиника эшләре буенча урынбасары Данис ШӘЙМУЛЛИН җавап бирә:
–    Бүгенге көндә компьютер томографы эшли. Анда бушлай  һәм түләүле тикшеренү узарга мөмкин. Бушлай тикшеренү үтү өчен юлламаны, медицина күрсәткечләренә нигезләнеп, табиб бирә. 
Түләүле шартларда узу өчен, иң беренче чиратта, регистратурага мөрәҗәгать итәргә кирәк. Түләүле хезмәтләрне рәсмиләштерү 4нче “тәрәзә” аша башкарыла. Бу очракта тикшеренүне көнендә үк үтү мөмкинлеге бар.