Кемнәргә көн саен аш ашарга ярамый?

Әгәр кешенең ашказаны-эчәк тракты эшчәнлеге бозылмаган булса гына, көн саен аш ашарга ярый, дип белдерде РИА Новостига гастроэнтеролог Наталья Шустова.

Табиб раслаганча, төрле яшелчәләр һәм ярмалар кушып пешерелгән майлы шулпа ашказаны-эчәк тракты авырулары булган кешегә ярамый.  Әгәр кешедә гастрит, панкреатит булса, бу ризыкны рационнан төшереп калдырырга кирәк.

«Майлы ашларны яшелчә ашларына алыштыру яхшырак. Аш туклыклырак булсын өчен борчак, фасоль, ясмык өстәргә була», — дип сөйләде гастроэнтеролог.

Чыганак: Интертат