Безнекеләр Казаннан 8 урын белән кайтты
Көрәш бик киеренке булды
31 май-1 июнь көннәрендә Казан шәһәрендә Халыкара балаларны яклау көненә багышланган ТР Хөкүмәте Кубогына картинг буенча традицион ярышлар узды.
«Талантлар салават күпере» балалар иҗат йортының яшь картингчылары районыбыз данын якладылар.
Шәхси беренчелектә өстәмә белем бирү педагогы Саттаров Ринас Габдрахман улы җитәкчелегендә «Картинг» берләшмәсе укучысы, Әгерҗе картингы тарихында беренче тапкыр, финалга үтте һәм үз категориясендә 102 катнашучыдан 6 нчы урынны алды.
Барлыгы 16 команда катнашты. Көрәш бик киеренке булды. Нәтиҗәдә, безнең команда, Казаннан һәм Сарманнан гына калышып, 8 урынны яулады.
Укучыларны һәм өстәмә белем бирү педагогы Р. Саттаровны котлыйбыз һәм аларга киләчәктә дә уңышлар һәм җиңүләр телибез!
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев