Безнекеләр республика конкурсында 2 урын яулады

2021 нче елның 21 нче маеннан 23 нче маена кадәр «Дуслык» балалар белем бирү-сәламәтләндерү үзәгендә белем бирү оешмаларының профилактика отрядлары арасында республика конкурсының финалы булып узды. Жюри карары белән конкурсның финал ярышларында катнашу өчен республиканың 10 командасы кертелде.

Әгерҗе муниципаль районы данын 3нче мәктәпнең "Беркут" отряды яклады. Отрядның җитәкчесе - физик культура һәм ОБЖ укытучысы Елена Григорьевна Гульнева.

Республика конкурсы нәтиҗәләре буенча «Беркут» хокук бозуларны профилактикалау отряды 2 нче урын алды.