Хәерле юл, дуслар!
30 июнь көнне Түбән Кама агросәнәгать көллияте филиалында тантаналы рәвештә дипломнар тапшырылды. 65 укучы белем алган 4 төркем әлеге белем бирү учреждениесен уңышлы тәмамлады, шуларның өчесе кызыл диплом белән. Егетләрнең бер өлеше "тепловоз машинисты ярдәмчесе" белгечлеге буенча яңадан әзерлек узган, ә күбесе инде Калининградтан алып Владивостокка кадәр армия сафларында хезмәт итәләр һәм бу егетләрнең дипломнарын аларның әти-әниләре алырга килгән.
Балаларга котлау сүзләре белән филиал директоры Илшат Гайнетдинов, директор урынбасарлары Л.Е. Бахтина, Н. Л. Нафикова һәм С. В. Бубнова мөрәҗәгать иттеләр.
Чыгарылыш сыйныф укучыларының әти-әниләре балаларының "сыйныф әниләренә" һәм бөтен педагогик коллективка ныклы белемнәре, күңел җылысы һәм балалар турында кайгыртулары өчен рәхмәт әйттеләр.
Районыбызга кагылышлы яңалыклар белән безнең Telegram-каналдан танышыгыз
Нет комментариев