Әгерҗедә Гаилә көнендә тәмле пицца пешерделәр

Кичә Әгерҗе шәһәренең Яшьләр үзәге хезмәткәрләре "Яшь гаилә клубы" проекты кысаларында шәһәрдәшләребез өчен тәмле пицца ясау буенча Бөтенроссия гаилә, мәхәббәт һәм тугрылык көненә багышланган мастер-класс үткәрделәр.

Мастер-класс вакытында катнашучылар пицца һәм аның камыры өчен оригиналь рецептлар белән уртаклашты, куркынычсызлык техникасы кагыйдәләрен дә искә төшерделәр.

Мастер-класс тәмләп чәй эчү белән тәмамланды, чәй эчкәндә катнашучылар уңай хис-кичерешләре һәм башкарылган эштән алган тәэсирләре белән уртаклаштылар.

Районыбызга кагылышлы яңалыклар белән безнең  Telegram-каналдан танышыгыз