Әгерҗе хәбәрләре
  • Рус Тат
  • Районда телләрне өйрәнү түгәрәкләре эшли

    Сорагыз – җавап бирәбез

    “Без күптән түгел генә Әгерҗегә күченеп кайттык. Удмурт милләтеннән булганлыктан, кызыбызны телебезнең нечкәлекләренә, гореф-гадәтләребезгә бик тә өйрәтәсебез килә. Бу уңайдан кая мөрәҗәгать итәргә мөмкин?” О.ЧЕРНОВА. Әгерҗе шәһәре.

    Әлеге сорауга Әгерҗе районы мәгариф идарәсе методисты Миләүшә ШӘЙХЕТДИНОВА җавап бирә:

    –    Әгерҗедә удмурт телен, мәдәниятен, гореф-гадәтләрен өйрәтүгә тәгаенләнгән түгәрәкләр 3нче (җитәкчесе –  Татьяна Светлакова), 4нче (Любовь Панфилова) мәктәпләрдә, районда Сарсак-Омга лицеенда (Елена Гаврилова), Көчек мәктәбендә (Людмила Матвеева) эшли. 
    Укучылар мари телен, мәдәниятен, гореф-гадәтләрен өйрәнү мөмкинлеген бирүче түгәрәкләрдә дә шөгыльләнә алалар. Алар 3нче шәһәр (Алена Михайлова), Бима мәктәпләрендә (Лариса Юзыкаева, Оксана Корнева, Ольга Изибаева), Күләгәш балалар бакчасы-башлангыч мәктәбендә (Виктория Михайлова) оештырылган. 

    Татар теле  һәрбер мәктәптә сыйныфтан тыш эшчәнлек вакытында өйрәнелә. Алар барышында да шулай ук татар милләтенең мәдәнияте, гореф-гадәтләренә ихтирам, хөрмәт уятырдай чаралар уздырыла.   
     

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: