Йод эремәсен ничек дөрес итеп кулланырга?
Йод эремәсе помидор үсентеләрендәге күп кенә чирләргә каршы көрәшү өчен бәһаләп бетергесез санала
– Күп кенә бакчачылар томат үстерүчеләргә йод эремәсе кулланырга киңәш итә. Аны кайчан һәм ничек дөрес итеп кулланырга?
Гүзәл Шәкүрова. Баулы районы
Сорауга бакчачы-блогер Людмила Кудрявцева җавап бирде, дип яза "Ватаным Татарстан":
– Йод эремәсе помидор үсентеләрендәге күп кенә чирләргә каршы көрәшү өчен бәһаләп бетергесез санала. Аны 10 литр суга 10 тамчы йод, бер литр эремчек суы (яки әчегән сөт) һәм ярты чәй кашыгы бор кислотасы өстәп ясыйлар. Барысын бергә болгатып, помидор үсентеләренә бөркиләр.
Болай эшләгәндә, помидор уңышы мулдан булачак, үсентеләр фитофтора белән дә чирләмәячәк. Эремәне куллану вакытына килгәндә, беренче тапкыр аны помидор үсентеләре чәчәк аткач бөркиләр. Бер-ике атнадан бу эшне яңадан кабатлыйлар.
Гомумән, үсентеләр чәчәктә утырганда, 4–5 тапкыр бөркергә кирәк. Йод эремәсен шулай ук кыяр, баклажан ише культураларга карата да кулланырга була.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев