Июньдә сарымсакка нинди ашлама сибәргә?

Көзен утырткан сарымсак өчен июнь - иң әһәмиятле айларның берсе. Июньдә суганчалар формалаша башлый. Су сибүгә, ашлауга һәм сарымсак укларына игътибар итәргә кирәк. Бу турыда «Челнинские известия» хәбәр итте.

Сарымсакка даими рәвештә һәм күп итеп су сибегез. Һава торышы хәзерге кебек коры булса, сарымсакка атнасына кимендә ике тапкыр су сибәргә кирәк. Июнь азагына су сибүне акрынлап атнасына бер тапкырга калдырырга киңәш ителә. Сарымсакны алырга бер-ике атна кала су сибәргә ярамый.

Июнь уртасында сарымсакка күкертле (сернокислый) калий ашламасы салырга кирәк. Мондый эремә ясау өчен бер аш кашыгы калийны ун литр суга кушыгыз. Гранулалар эрегәч, түтәлгә күп итеп сибеп чыгыгыз.

Сарымсак укларын да тикшереп торыгыз. Алар июнь уртасында чыга башлый. 10-15 см булып үскәч, укларны чиста пычак яки кайчы белән кисеп алыгыз. Төбен 3 см чамасы калдырыгыз, диелә хәбәрдә.

Чыганак

Фото: pixabay.com