Помидор сабагы гаймориттан һәм гөмбәчектән ничек ярдәм итә ала?

Помидор сабагы гайморитны һәм тәндәге гөмбәчекне дәвалый ала. Гайморит булса – ингаляция, ә аяк тырнагы һәм үкчәдә гөмбәчектән төнәтмә ясау булыша, ди халык медицинасы. Бу хакта киңәшләр сайтында язылган.

Ингаляцияны ничек ясарга? 

Сабакны кискәләп, эмаль савытка салырга һәм өстенә су өстәргә кирәк. Су 0,5 см га сабакларны капларга тиеш. 10 минут сүрән утка куярга. Уттан алырга һәм, сөлге белән каплап, ингаляция ясарга була. Парны авыз белән сулап, борыннан чыгарырга, аннан шуны ук киресенчә эшләргә кирәк. Ингаляцияне 10 минут ясау киңәш ителә. Аннан ятып тору мөһим.

Помидор сабагы ярдәмендә гөмбәчектән ничек котылырга була?

Моның өчен помидор сабагын вакларга, тазга салырга, өстенә кайнар су өстәргә кирәк. Төнәтмә җылынгач, анда 10 – 15 минутка аякларны тыгып торырга кирәк. Моны атнага 4 – 5 тапкыр кабатлау мөһим.

Бу төнәтмә үкчәләр ярылудан да ярдәм итә. Аякларны бу суга тыгып утырганнан соң, аларга майлы крем сөртеп куярга кирәк.

Чыганак