Помидорлар шартлап ярылмасын өчен нишләргә?

Бакчада помидорлар өлгерә, тик күпләр аның шартлап ярылуыннан зарлана. Тәҗрибәле бакчачыларның киңәшләре «Челнинские известия» сайтында чыкты.

Эссе вакытта суны дөрес сипмәсәң, өлгерә башлаган помидорлар шартлап ярыла. Ярыклар бераздан кибә, тик помидор үсүдән туктый инде. Ярылган помидорларны беренче чиратта җыеп алу хәерле.

Помидорлар ярылмасын өчен, башта аларның төбендәге туфракны дымландырыгыз, аннары яхшылап су сибегез, диелә хәбәрдә. 

Чыганак: Интертат

Фото: pixabay.com