Әгерҗе хәбәрләре
  • Рус Тат
  • Ата-аналар мәктәптә балаларга тәкъдим ителгән менюдан канәгать түгел

    Сораштыру нәтиҗәләре билгеле

    Казан мәктәпләрендә укучыларның әти-әниләре менюның ярлы булуын, җиләк-җимешнең җитәрлек булмавын, факттагы меню һәм ризыкның реаль ассортименты арасында аерма күзәтелүен мәктәптә туклану системасындагы кимчелекләр рәтенә керткән. Ата-аналар арасында сораштыру үткәргән «ПромРейтинг» тикшеренү агентлыгы хисабында шул хакта сүз бара.

    Хисапта әйтелгәнчә, Казанның әти-әниләре балаларның мәктәптә туклануыннан 4,2 баллга (барлыгы – 10 балл) канәгать.

    Әти-әниләрнең 30 процентка якыны мәктәп укучыларын ашатудагы өстенлекләр арасында ризыкның тәмен беренче урынга куйган, аннары «сәламәтлек», «баланслы», «кайнар», «төрле», «куркынычсыз» һәм «баланың үзенчәлекләрен исәпкә алучы» кебек критерийлар килә.

    Әти-әниләрнең 20 проценттан артыгы белдергәнчә, алар балаларга ризыкны мәктәптә пешерәләрме, әллә инде әзерне китерәләрме икәнлеген белми.

    Ата-аналар банк счеты аша түләү мөмкинлеген, ризыкларның температурасы җитәрлек, куркынычсыз һәм файдалы булуын мәктәптә туклану системасы белән бәйле уңай факторлар рәтендә атаган.

    Казанда үткәрелгән сораштыруда 600 респондент катнашкан.

    Чыганак

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: