Быел “Үлемсез полк“ акциясе онлайн режимда узачак

Быел ул онлайн-режимда узачак. Анда катнашу өчен Бөек Ватан сугышында катнашкан якыныгызның фотосын, аның турындагы мәгълүматны #БессметрныйполкОнлайн#БессметрныйполкТатарстан хэштеглары белән 5 майга кадәр Вконтакте, Одноклассники, Инстаграм социаль челтәрләренә урнаштыра аласыз.    

“Әгерҗе хәбәрләре” редакциясе дә онлайн рәвештә “Үлемсез полк” акциясе уздыра. Моның өчен газетаның Вконтакте төркемендәге “Үлемсез полк” дип аталган фотоальбомга (https://vk.com/album-61717695_271677690) 10 майга кадәр Бөек Ватан сугышында катнашкан якыныгызның фотосын куегыз. Аларның кем булуын күрсәтергә дә онытмагыз. Сүз уңаеннан: әлеге альбомга бик күпләр якыннарының фотоларын куйганнар инде. Сез дә кушылыгыз. 

Владимир Путин коронавирус таралу куркынычы беткәннән соң “Үлемсез полк” акциясе уздырылачак дип белдерде. Бу көннең тизрәк җитүен телик!