Девятерняда Җиңү бәйрәме алдыннан аллея булдырылды

Бүген Девятерня авыл җирлеге Советы, Девятерня урманчылыгы, медицина хезмәткәрләре фельдшерлык-акушерлык пункты янында бик матур аллея булдырдылар. Биредә җитмеш биш төп чыршы, туя, миләш, юкә, алмагач үсентеләре утыртылды. Үсентеләр белән урманчылык хезмәткәрләре тәэмин итте.

• Истәлекле елда барлыкка килгән аллеяны һәрчак тәртиптә тотып, агачларны тәрбияләп үстерергә тырышачакбыз, – диде авыл җирлеге башлыгы Фәнис Йосыпов.