18 яшьлек кызны ун мең сум өчен урлаганнар, кыйнаганнар һәм чәчләрен кискәннәр

Мәскәүдә ЮХИДИ хезмәткәрләре 18 яшьлек кызны коткарган. Аны ике егет ун мең сум акча алу өчен урлап алып киткән һәм мәсхәрәләп торган. Җинаятьчеләр кызның борынын сындырган, чәчләрен кисеп ташлаганнар. Бу турыда РЕН ТВ хәбәр итте.

13 июльдә кичке якта Голубинский урамында егетләр кызны «Жигули» машинаны төрткәләп утырткан һәм Көньяк Медведково ягына таба алып киткәннәр. 

Юлда егетләрнең берсе кызга үтерү белән яный, аның битенә суга, 10 мең сум акча күчерергә мәҗбүр итә.

Кольская урамында бу машинаны ЮХИДИ инспекторлары туктата. Әлеге мизгелне файдаланып, кыз кычкыра башлый һәм ярдәм сорый. 

Шулай итеп кызны мәсхәрәләүче 20 һәм 21 яшьлек егетләр тоткарлана. «Жигули» белән 20 яшьлек егет идарә иткән.

Кызны Мәскәү хастаханәләренең берсенә илтәләр. Табиблар аның борыны сынуын, бите һәм иңбашы имгәнүен ачыклый, диелә хәбәрдә.

Чыганак