25 яшьлек кыз 500 мең акча алып юкка чыккан

Кияү сүзләренчә, сөйгәне аннан туйга әзерлек өчен акча күчерүен сораган.

Россия хәрбие хокук саклау органнарына кәләше югалуы турында гариза белән мөрәҗәгать иткән. Аның сүзләренчә, ул аннан зур суммада акча алганнан соң элемтәгә чыгудан туктаган. «Сак булыгыз яңалыклар» каналы хәбәр итүенчә, бу Мурманск өлкәсендә булган.

26 яшьлек егет 25 яшьлек кызга өйләнергә ниятләгән булган. Егет әйтүенчә, кәләш аннан туйга әзерлек өчен акча күчерүен сораган. Ул аңа мобиль банк аша 500 мең сум акча күчергән.

Кияү хокук сакчыларына сөйгәненең, акчасын күчергәч, элемтәгә чыгудан туктавын сөйләгән. Соңрак ул кызның Яңа ел бәйрәмнәренә кадәр шәһәрдән китүен белгән һәм хәзер аның кайда икәнлеге билгеле түгел.

Чыганак: Ватаным Татарстан