Акчаларыннан “җилләр искән“

Россия Эчке эшләр министрлыгының Әгерҗе районы буенча бүлегенә күптән түгел Әгерҗедә яшәүче бер ханым мөрәҗәгать иткән. 

Аның телефонына бер ир-ат шалтыратып үзен банк хезмәткәре итеп таныштырган һәм мошенникларның аның исеменә кредит рәсмиләштерергә теләүләрен әйткән. Әлеге кредитны “юкка чыгару“ өчен телефонына СМС итеп җибәрелгән кодларны хәбәр итәргә кушкан. Ханым шулай эшләгән дә. Әмма шул мизгелдә үк аның исәп-хисап счетыннан акча юкка чыккан...

Ә икенче очракта бер ир-ат, танышының телефоныннан файдаланып, аның  мобиль кушымтасы аша үзенә акча күчергән...
Хөрмәтле райондашлар! Мошенниклар халыкны алдауның төрле юлларын уйлап табып кына торалар. Сак булыгыз!