Балаларга мәктәптә үрмәкүчле аш ашатканнар

Самарадагы 116 нчы мәктәп ашханәсендә балаларга биргән ашта үрмәкүчләр табылган. Балалар төшке аш вакытында бирелгән ризыкта үрмәкүч күрә, моны өйләренә кайтып сөйлиләр. 13 сентябрьдә үрмәкүчле аш турында хәбәрләр социаль челтәрләрдә тарала. «Комсомольская правда» шул хакта яза.

Әти-әниләр зарланыша башлый. Алар узган атнада балаларының ач калуын сөйли. Шулпада үрмәкүч табылгач, аны ашап булмый, дип язалар. 

«116 нчы мәктәптә узган атнада берничә тапкыр аштан үрмәкүч тотып алганнар. Шулай итеп балалар ач калды», — дип яза әти-әниләр һәм алар бу хәлне тикшерүне таләп итә.

Уку елы башланганчы, әти-әниләргә мәктәптәге менюны карау һәм үзгәртү мөмкинлеге була дип ышандыралар. Моның өчен сыйныф җитәкчесенә һәм директорга мөрәҗәгать итәргә кирәк, диләр. Шулай ук әти-әниләр яңа ризыклар рецепты тәкъдим итү мөмкинлеге дә була, дип ышандыралар.

Үрмәкүч белән очрактан соң, әти-әниләр директорга мөрәҗәгать итә, менюны үзгәртүне сорый.

Хәзер мәктәптә тикшерүләр көтелә. Шәһәр мәгариф департаменты да бу хәлне контрольгә ала. Белгечләр мәктәптә экспертизалар ясаячак.

Чыганак: Интертат 

Фото: pixabay.com