Бер ир-ат Әгерҗе–Красный бор юлында мотоблок белән эчкән килеш идарә иткән

Әгерҗе районы прокуратурасы салмыш хәлдә мотоблок белән идарә иткән җирле кешегә карата җинаять эше буенча дәүләт гаепләвен хуплаган. 

Судта билгеле булганча, 2023 елның 28 июлендә гаепләнүче Әгерҗе–Красный бор юлында мотоблок белән эчкән килеш идарә иткән. 27нче чакрымда транспорт чарасын юл-патруль хезмәткәрләре туктаткан. Алар салмыш хәлдәге шоферны идарә итүдән читләштергәннәр. Әлеге ир-атның элек тә исерек килеш руль артына утырганлыгы ачыкланган. 

Ир-ат үз гаебен таныган. Суд аңа 160 сәгатькә мәҗбүри эшләргә җәлеп итү рәвешендәге җәза билгеләгән һәм  2,5 елга транспорт белән идарә итү хокукыннан мәхрүм иткән. 

Суд карары үз көченә кермәгән. 

Әгерҗе районы прокуратурасы материаллары буенча.