Әгерҗе хәбәрләре
  • Рус Тат
  • Бер ир-ат ике табибны имгәтеп ташлаган

    36 яшьлек ир-ат гаебен таный

    Уфаның Октябрь районы прокуратурасы биредә яшәүче 36 яшьлек ир-атка карата гаепләү карарын раслады. Ул «хулиганлык», «алдан уйлап сәламәтлеккә уртача авырлыктагы зыян китерү», «алдан уйлап сәламәтлеккә җиңелчә зыян китерү» маддәләре буенча гаепләнә. Бу турыда «Башинформ» хәбәр итте.

    Прокуратура белешмәсе буенча, 2021 елның июлендә 21 нче номерлы хастаханәгә исерек ир-атны алып киләләр. Аңа медицина ярдәм күрсәтергә җыеналар. Табиблар «билгесез матдә белән агулану» диагнозы куя.

    Табиблар караган чакта, исерек ир-ат җәмәгать тәртибен боза, сәбәп булмаган килеш, табиб-токсикологка карата көч куллана, хатын-кыз табибның кулын сындыра. Аннары бүлмәгә кергән табиб-реаниматологка һөҗүм итә, аның башын имгәтә. Ир-ат табибның баш мие селкенә, тәне күгәрә, сөякләре бәрелә.

    36 яшьлек ир-ат гаебен таный. Җинаять эше судка тапшырылган, диелә хәбәрдә. 

    Чыганак: Интертат 

    Фото: pixabay.com 

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: