Әгерҗедә яшәүчеләр мошенниклар кармагына эләккән

Шәхси карталар һәм счетлар буенча шик ле гамәлләр башкармаска никадәр генә өндәмәсеннәр, райондашларыбыз арасында мошенниклар “кармагы“на эләгүчеләр һаман да очрап тора.

Россия Эчке эшләр министрлыгының Әгерҗе районы буенча бүлеге штабыннан хәбәр итүләренчә, күптән түгел полициягә кырыгалдарлар “кармагы“на эләккән бер ханым мөрәҗәгать иткән. Ул бер миллион сум акчасыннан колак каккан. Аның акчаларын инвестицияләргә салыначак дигән уйдырма уйлап табып ялган юл белән урлаганнар. Икенче бер очракта укуга түләр өчен интернет челтәре аша акча эшләргә тәкъдим иткәннәр. Карта мәгълүматларын һәм кодын атаган гражданканың шулай ук 35 мең сумы юкка чыккан.