Татарстанда ир-ат кечкенә улын алып качкан
Ир белән хатын арасында низаг чыккан
Казанның Баруди урамында ике яшьлек баланы ир-ат урлап китүе турында хәбәр «Зареченский» полиция бүлегенә килгән. «Татар-информ» агентлыгына Россия Эчке эшләр министрлыгының Казан буенча идарәсе матбугат хезмәтендә шул турыда сөйләделәр.
Полиция хезмәткәрләре ачыклаганча, ир белән хатын, аларның уллары һәм каената белән бергә өйләренә кайтып барган вакытта ир белән хатын арасында низаг чыга. Ир сабыйны эләктереп ала һәм ишегалларына кереп кача.
«Хәзерге вакытта полиция хезмәткәрләре видеокүзәтү камералары язмаларын өйрәнә, вакыйганы күрүчеләрне сораштыра. 37 яшьлек ир-атны тоткарлау өчен чаралар күрелә», – дип аңлаттылар идарәнең матбугат хезмәтендә.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев