Татарстанда сукбай этләр унлап бозауны чәйнәп ташлаган

Яшел Үзән районының Әйшә авылында сукбай этләр чирүе унлап бозауга һөҗүм иткән. Терлекләрнең сигезе үлгән. Бу турыда НТР-24 каналы хәбәр итте.

Әлеге вакыйга кадрлары социаль челтәрләрдә чыккан. Пост авторы сыер фермасында төшерелгән видео күрсәтә, анда яраланган терлекләр сурәтләнгән.

Этләр 25 июльдә һәм 1 августта терлекләргә һөҗүм иткән. 

Пост авторы сүзләренчә, сукбай этләр автозаправка янында яши, ферма шуның янында гына урнашкан.

Фермер җаваплы кешеләрне чаралар күрергә чакыра, диелә хәбәрдә. 

Чыганак: Интертат