Әрекмән онкология белән көрәшә?

Әрекмәннең организмга бик көчле тәэсир иткәнен ишеткәнегез бардыр. Аны хәтта яман шеш белән авыручылар да куллана. Ул эчтәге шешләрне киметә, бавыр, бөер, ашказаны, эчәкләрне чистарта. Ташлары булган кешеләргә аны саклык белән генә кулланырга кирәк. Онкология белән авыручылар тигәнәк суын ике сәгать саен икешәр чәй калагы кулланырга кирәк.

Әрекмән суын болай әзерлиләр: яфракларны 5-6 сәгатькә салкын суга салыгыз. Аннары иттарткыч аша чыгарып, сутын алыгыз.

Ач карынга көненә 1 чәй калагы белән эчә башларга кирәк. Суны эчкәннән соң, ярты сәгать ашарга да, эчәргә дә ярамый. Бик әче булса, калак очында гына бал кабарга мөмкин. Шулай акрынлап көненә 3 тапкыр эчүгә өйрәнергә кирәк. Бер ай дәваланырга кирәк.

Фото: https://ru.freepik.com/

Автор:Гөлия Мөгаллимова, Кызыл таң