Чәй содасының искиткеч файдасы
Кулланып карарга ашыгыгыз
Кайвакыт кыйммәт косметик чаралар өчен акча җиткереп булмый, ә матур буласы килә. Кайгырмагыз, бу очракта сезгә… чәй содасы ярдәмгә килер.
Аш-су бүлмәсендәге эшләрдән соң кулларны яхшылап чистартыр, тырнакларны ныгытыр, сөялләрне йомшартыр өчен бер литр җылы суга берәр чәй калагы тоз һәм чәй содасы салып, кулларыгызны шунда тотыгыз.
Чәй содасын душ кергәндә гельгә кушсаң, бик яхшы скраб булыр. Аны тәнгә сөртеп, юып алганнан соң, тирегез бик чиста, матур, шомага әйләнер.
Ярты чәй калагы соданы битлекләр ясаганда кушсагыз да үкенмәссез. Тик мондый битлектән соң крем сөртү мотлак.
Чәй содасы теләсә нинди шампуньның сыйфатын яхшырта ала. Сода кушылган шампунь кулланганнан соң чәчләрегез ефәк сыман йомшакка әйләнер, ялтырап торыр, кавыкның эзе дә калмас. Һәм юганнан соң бернинди бальзам да кирәкми. Сынап карагыз, үкенмәссез!
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев