Медицина документлары тулысынча электрон форматка күчереләчәк

Медицина документлары электрон форматка 2030 елда ук тулысынча күчеп бетәргә тиеш, дип белдерә Сәламәтлек саклау министрлыгы.

«Һәркем өчен беренчел звено» программасы буенча кеше тормышының барлык этапларында пациентны профилактикалау һәм дәвалауның индивидуаль программаларын формалаштыруга юнәлдерелгән чаралар уза. Пациентлар шулай ук барлык медицина документларына онлайн режимда керәчәкләр. Яңа формат кәгазь боткасыннан качарга ярдәм итәчәк, һәм табиблар пациентларга күбрәк игътибар бирә алачак, дип яза РИА Новости.

Чыганак: Шәһри Казан