Салкын тигәндә тизрәк савыгу өчен нәрсә ашарга кирәк?

Авырып китсәң, караватта ятарга, көч җыярга кирәк. Ә монда организмда көчләр балансын торгыза һәм вирус токсиннарыннан һәм калдыкларыннан коткара торган дөрес ризык ярдәм итәчәк. Бу хакта гомум практика табибы, терапия клиникасы җитәкчесе Владимир Сибирский сөйләде.

Аның сүзләренә караганда, авыруларга еш, әз-әзләп һәм җиңел үзләштерелә торган ризык белән тукланырга кирәк. Вирус белән көрәшкән вакытта организм токсиннар җыя һәм бик көчергәнешле эшли. Димәк, аны файдалы һәм тәмле ризык белән тәэмин итәргә кирәк. Әлбәттә, күбрәк эчәргә.

Медик, авыруларга газировка, кофе һәм чәй эчәргә кирәкми, дип өстәде. Бүлмә температурасындагы суны эчү яхшырак. Көненә биш-алты тапкыр тукланырга кирәк. Организмга углевод кирәк, шикәр һәм җиләк-җимешсез ботка ашасаң яхшырак. Ләкин үзегезне тәмлүшкәләр белән сыйларга онытмагыз, югыйсә көч каян алырга?

Әлбәттә, сәламәтлекне ботка белән яхшыртып булмый, шуңа күрә җиңел ризык белән тукланырга кирәк: тавык шулпасы, тавык ите белән бәрәңге боламыгы, сөт продуктлары һәм акмай да ярый - аларда организм өчен файдалы майлар бар. Ә менә халыкта авыруларга каршы яхшы чара буларак танылган сарымсак һәм суганны ашамаска кирәк, инфекция эчтә бит инде.

Автор:Фануз Хабибуллин, Кызыл таң