Табиблар авариядә имгәнгән кызның телен тегеп куйган, казналыгын сөякләрдән җыйган
Операция биш сәгать чамасы дәвам иткән
Красноярск өлкәсенең клиник хастаханәсе табиблары авариядә имгәнгән яшь хатынның йөзен төзәтеп кую ысулын тапкан. Бу турыда медицина оешмасының сайтында хәбәр ителә.
Авария Яңа ел алдыннан була. Бу хатынны санитария авиациясе ярдәмендә өлкә хастаханәсенә китерләр, ул комада була. Пациент үпкәләрне ясалма җилләтү (ИВЛ) аппаратында ята, аның баш миенә дә зыян килгән, башындагы сөякләре, шул исәптән битендә дә, сынып беткән. Шулай ук хатынның теле һәм аскы казналыгы өзелгән.
Хирурглар хатынга трахеостома куеп, сулыш алуын көйли, битендәге сөякләрен җыялар, кан тамырларын һәм нервларын тоташтырып, телен тегеп куялар, авыз куышлыгын кабат ясыйлар. Операция биш сәгать чамасы дәвам итә.
«Хирург Ольга Бобкова хатынның йөзен кабат ясады дияргә була. Ул өзелгән тукымаларны җыеп кую җаен тапкан. Аңа ординатор Ольга Когутя ярдәм итте», диелә бу хәбәрдә.
Имгәнгән хатын Яңа ел бәйрәмнәрендә реанимациядә була, аннары аны палатага чыгаралар. Хәзер аңа озак вакыт реабилитация таләп ителә.
Фото:pixabay.com
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев