Үзенең авырганын да белмәгән 25 яшьлек кыз ковидтан үлгән

Волгоград өлкәсендә 25 яшьлек кыз ковидтан үлгән. Башта аны гадәти хастаханәгә салганнар. Аннары гына коронавирус булуы ачыкланган. Бу турыда Волгоград.Онлайн яза.

Яшь кызның хроник авырулары да булмаган. Ковид анда температурасыз гына узган.

Төбәк буенча Сәламәтлек саклау комитеты белешмәсе буенча, коронавирустан прививка ясатмаган кыз хәлсезлек сизә, тик температурасы булмый. Аны хастаханәгә салалар, аннары гына ковид булуы ачыклана. Шуннан соң инфекцион стационарга күчерәләр. Анда ике яклы пневмония булуы да ачыклана. Авыруны барлык күрсәтмәләргә туры китереп дәвалыйлар, дип аңлаталар ведомствода.

Фактта үлү көненнән алып, үлемнең төгәл сәбәпләре билгеләнгәнче 45 көн узарга мөмкин, дип әйтәләр комитетта. Бу вакытта экспертлар авыру тарихын өйрәнә, шуннан соң ковидтан үлүчеләр исемлегенә кертү турында кабул ителә, диелә бу хәбәрдә.