Илсөя Бәдретдинова: "Хәл бетеп алды"

“20 елдан артык табиб булып эшләүче якын кешем “Илсөя вакцинаны ясатырга кирәк, куркыныч бит” дип ялварыплар сорады. Минем төркемдә дә кешеләр күп, араларында олы кешеләр дә бар. Беркемне дә үгетләмим. Һәркемнең шәхсән үз эше. Мин, концерт директорым һәм төркемем прививка ясатачакбыз”, - дип сөйләгән Илсөя Бәдретдинова вакцина ясатыр алдыннан.

Һәм менә берничә көн элек җырчы вакцина ясатты. “Барысы да яхшы. Прививка ясаткан көнне кичтән хәл бетеп алды. Гомер булмаганны кичке сәгать 11дә ятып йокладым. Иртән бар да яхшы иде. Кул бәрелгән кебек кенә авыртты. Температурам юк. Акыллы комментарий язучыларга әйтәм: беркем дә миңа акча түләмәде, беркем дә мине сатып алмады. Бу реклама түгел. Мин үз теләгем белән ясаттым. Ясатасыгыз килмәсә, ихтыярыгыз – ясатмагыз”, - диде Илсөя.

Чыганак: Шәһри Казан