2023 елга Ванга ниләр фаразлаган?

2023 елга Ванга ниләр фаразлаган? Белгечләр күрәзәченең сүзләре буенча үз теорияләрен белдерүне дәвам итә.  

Тикшеренүчеләр фикеренчә, Ванга Русияне бәхетле киләчәккә китерәчәк конфликтлар һәм дөнья күләмендәге үзгәрешләр фаразлаган.

Күрәзәче җирләрнең яңача бүленәчәгенә һәм кайбер славян илләренең Русиягә каршы булачагына ышанган. Ванга сүзләренчә, конфликтлардан соң “барысы да Русиягә таба борылачак". Шуңа күрә белгечләр 2023 елда илләрнең дуслашуын көтә. Алар фикеренчә, нәкъ алдагы елда моңа кадәр уртак тел тапмаган илләр сөйләшер, килешер өчен өстәл артына утырачак.

Ванга фаразлары буенча, 2023 елда орбита 5 процентка күчәчәк. Галимнәргә климатның глобаль үзгәрүе турында уйланырга кирәк.
Медицина да алга китәчәк: рак проблемасын хәл итүгә якынайтачак эшләнмәләр барлыкка киләчәк.

Автор:Ләйсән Якупова, Кызыл таң