Тирсәдә «Өчпочмак-шоу» бәйрәме узды (ВИДЕО)

Тирсә мәктәбенең 5 а сыйныфында “Өчпочмак - шоу” бәйрәме үтте. Бу хакта мәктәп коллективы хәбәр итә.

Әниләр һәм балалар катнашында оештырылган бу чара милли йолаларны саклауга, татар милли мәдәнияте белән таныштыруга багышланган иде. Укучылар әниләре белән бергә өчпочмак пешерү серләренә төшенделәр, бергәләшеп татар халкының милли уеннарын уйнадылар.

"Мусина Энҗе Марат кызына, сыйныф җитәкчесе Избекова Гөлия Альфирт кызына, 5 а сыйныфы укучыларының әти – әниләренә зур рәхмәтебезне белдерәбез", - ди оештыручылар.