Яңа ел табынына “Бәйрәм” салаты рецепты

Кирәк: 150 грамм корнишон кыяры, 150 грамм маринадланган уртача зурлыктагы шампиньон гөмбәсе, 200 грамм консервланган фасоль, пешкән сыер ите, 1 данә кызыл суган, 2 бәйләм салат яфрагы, зәйтүн мае, соя соусы, тәменчә тоз.

Әзерлибез: Тирән савытка салат яфракларын өзгәләп, кызыл суганны боҗралап турап салабыз.

Шулар өстенә түгәрәкләп туралган корнишон кыярлары, гөмбә (турамыйбыз), фасоль өстибез, пластинкалап туралган сыер ите салабыз. Өстенә соя соусы, зәйтүн мае, тоз сибәбез һәм яхшылап болгатабыз.