Чистартып әрчелгән чи балыкны телемләп турагыз. Өстенә тоз, борыч һәм лимон согы сибеп, 2-3 сәгать суыткычта тотыгыз. Яшел кыяр, помидор һәм лимонны шулай ук телемләп турагыз.

Аннары бер телем балык өстенә кыяр, помидор һәм лимон куеп, икенче телем балык белән каплагыз. Шуларны фольгага төрегез дә майланган табага тезеп, духовкада 20 минут пешерегез.

Әзер балыкны пешкән бәрәңге белән тәлинкәгә салып табынга куегыз. Бәрәңге өстенә эретелгән атланмай, һәм укроп сибегез. Ризыкны помидор, лимон, тозлы гөмбә һәм укроп белән бизәгез.