Әнисен дә, улын да яшен сугып үтергән
Палаткага яшен суккан
Тува Республикасында тайгада хатын-кыз белән ир-атны яшен сугып үтерү турында хәбәрне тикшерүчеләр ачыклый. Бу турыда Тикшерү комитетына сылтама белән РИА Новости яза.
«Сут-Хольский районының хокук саклау органнарына килгән хәбәр буенча, ашыгыч ярдәм фельдшеры тайгада 54 яшьлек хатын-кыз һәм аның 19 яшьлек улының үлемен ачыклаган. Алар яшен сугуда һәлак булуы ихтимал. Әлеге факт буенча тикшерү оештырылды», диелә ведомство хәбәрендә.
Тикшерүчеләр ачыклаганча, мәрхүмнәре шимбә көнне Сут-Хольский районында дәвалый торган сихәтле чишмәдә була. Төнлә белән палаткага яшен суга. Мәрхүмнәрнең гәүдәләрен тапкач, ашыгыч ярдәм чакыралар. Тиешле экспертизалар билгеләнгән, диелә бу хәбәрдә.
https://pixabay.com
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев