Түбәдән кар төшергәндә дүрт кеше һәлак булган
Прокуратура тикшерү эшләре башлаган
Алтай өлкәсенең Заринский районында 8 гыйнвар иртәсендә фаҗига була. Ашлык склады түбәсен кардан чистартканда дүрт кеше үлә. Бу урында төшерелгән кадрларны Россия Тикшерү комитетының Алтай өлкәсе буенча Тикшерү идарәсенең матбугат хезмәте күрсәтте.
Смазнево станциясе территориясендә ашлык склады түбәсендәге карны чистарталар. Бер мизгелдә кар шуып төшә һәм сигез кеше кар астында кала. Аларның дүртесе үлә, тагын дүртесе имгәнә.
Тикшерү комитеты «ике яки аннан да күбрәк кеше үлеменә китерерлек итеп хезмәтне саклау кагыйдәләрен бозу» маддәсе буенча җинаять эше ачкан.
Төбәк губернаторы Виктор Томенко зыян күрүчеләрнең гаиләләренә ярдәм итәргә кушкан, дип хәбәр итте «Вести» каналы.
Прокуратура тикшерү эшләре башлаган.
Чыганак: Интертат
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев