Әгерҗе районы халкына Дәүләт төркемнәренең мөһимлеге турында сөйләделәр

Бүгенге көндә Татарстанда 2,8 миллионнан артык кеше язылучысы булган 6885 дәүләт төркеме төзелгән.

ВКонтакте һәм Одноклассники социаль челтәрләрендә булдырылган битләр хакимият органнарының ачыклыгын арттыра, шулай ук дәүләт оешмалары турында аңлаешлы, төгәл, тулы мәгълүмат бирә. Татарстан Дәүләт пабликлары саны буенча Россиядә лидер булып тора. Һәр төбәк, шул исәптән Татарстан Республикасы өчен органнар һәм оешмалар исемлеге Росстат мәгълүматлары нигезендә билгеләнде.

Әгерҗе районы халкы «ВКонтакте» дәүләт төркемнәреннән актуаль мәгълүмат таба һәм элемтәгә керә ала. Аларның иң актуале - безнең муниципаль район төркеме https://vk.com/agryz_official

Район башлыгының матбугат сәркатибе Ләйсирә Җиһангәрәева дәүләт төркемнәренең өстенлекләре турында сөйләде:

"Дәүләт пабликлары-хакимият органнарының һәм социаль челтәрләрдәге ведомство карамагындагы учреждениеләрнең рәсми төркемнәре (битләре) ул. «ВКонтакте» да мәктәпләр, балалар бакчалары, мәдәният, спорт учреждениеләре һәм башкаларның үз битләре бар. Без районда 100 гә якын рәсми аккаунттан торган көчле челтәр булдырдык, аларның тулы аудиториясе 20 меңнән артык кеше тәшкил итә. Төп мәйданчык булып «ВКонтакте» социаль челтәре кала. Рәсми мәгълүмат биреп кенә калмыйча, «тере контент» белән дә тулыландырырга, кешеләргә кызыклы һәм файдалы итәргә тырышабыз. Шуны аңлау мөһим: хәзерге госпабликларның төп бурычы - халык белән кире элемтәне тәэмин итү, кешегә аның көндәлек проблемаларын хәл итүдә ярдәм күрсәтү. Халык комментарийларда актив, иң популяр темалар арасында төзекләндерү, җыештыру, шулай ук инфраструктура объектларын төзү һәм реконструкцияләү мәсьәләләрен хәл итүне аерып карарга мөмкин. Язылучыларга хәл ителгән проблемалар, башкарылган эшләр мисаллары кызыклы. Төп максат - гражданнар белән аралашу сыйфатын күтәрү", - дип аңлатма бирде ул.

Төркемнәр мөрәҗәгатьләрне кабул итү, халыкны борчыган сорауларга кыска вакыт эчендә җавап бирү функциясен үти.  Шулай ук дәүләт төркемнәрендә авыл һәм район тормышы вакыйгалары һәм чаралары турында актуаль мәгълүматны табарга мөмкин.

#Госпабликиреспубликитатарстан #Госпаблики