Уразайда яшәүче Тимуршиннар гаиләсе бер бакча кабак үстергән

Шушы көннәрдә Уразайда яшәүче Фаиз–Фирдания Тимуршиннар кабак уңышын җыйганнар. “Базыбыз тулды“, – дип елмая Фирдания апа. 

Алар әлеге яшелчәне кыш буе сыер, бозауларга ашаталар. Уңган хуҗабикә якыннарын кабак бәлеше белән дә сыйларга ярата. 

–    Кайнатмасын да ясыйм, согы да бик тәмле була, – ди ул. 

Кабак үстерү авыр түгел, дип тә өсти хуҗабикә. Бер тапкыр чүбен утыйбыз да – эш бетте. Су сипкәнебез юк, ди.