Көн саен юынмауның нинди куркынычы бар?
Көн саен душ кермәсәң, тиредә инфекцияләр барлыкка килә
Көн саен душ кермәү тире авырулары барлыкка китерергә мөмкин. Бу хакта Британия табибларына сылтама белән РИА Новости яза.
Табиб Эмека Окороча сүзләренчә, даими юынудан баш тарту тиредә акне, дерматит һәм псориаз китереп чыгарырга мөмкин.
Косметолог Ялда Джамал фикеренчә, тире организмны кояш нурларыннан, физик тәэсирдән саклый һәм температураны җайга сала.
«Әгәр һәр көн юынмасаң, үлгән күзәнәкләр һәм пычрак бу функцияләрне боза», — диде ул.
Моннан тыш, Окороча бактерияләр үрчү аркасында сасы ис барлыкка килүе турында да кисәтте.
Шулай ук Health & Aesthetics клиникасы табибы Рекха Тейло кич юынырга киңәш итте, чөнки тире йоклаган вакытта яңара. Аның фикеренчә, болай иткәндә күзәнәкләргә пычрак тулмый һәм сыткычлар, кара нокталар барлыкка килми.
Фото: pixabay.com
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев