Моңа кадәр очрамаган яңа мутацияләр
Галимнәр Бразилиянең төньягында коронавирус инфекциясенең моңа кадәр очрамаган штаммнарын теркәгән.
«Российская газета» хәбәр иткәнчә, яңа мутацияләр илнең төньягында — Боливия чигендә урнашкан Родония штатында табылган.
«Геномнарны тикшерү барышында (без бу эшне 2020 елның апрель-май айларында үткәрдек) 22 мутация ачыкланган иде, хәзер аларның саны 41гә җитте», - дип белдерде Бразилия Сәламәтлек саклау министрлыгы каршындагы Круз исемендәге фәнни-тикшеренү берләшмәсе вәкиле.
Аның сүзләренчә, табылган вариантларның алтысы галимнәрдә борчу уята, чөнки алар S-аксымның структурасы үзгәрү белән бәйле. Мондый мутацияләр алга таба гамәлдәге вакциналарның нәтиҗәлелеген киметергә мөмкин.
«Татар-информ» агентлыгы элегрәк Европаның 19 илендә коронавирусның Көньяк Африка штаммы табылуы хакында хәбәр иткән иде.
Районыбызга кагылышлы яңалыклар белән безнең Telegram-каналдан танышыгыз
Нет комментариев