Мәктәп медиалары фестиваленә гаризалар кабул ителә
Бәйгегә республика гомуми белем бирү учреждениеләреннән мәктәп медиа командалары катнаша ала
Татарстанда «Ялкын» мәктәп медиасы беренче республика патриотик фестивалендә катнашу өчен гаризалар кабул ителә башлады. Проектның төп максатлары — яшь журналистларга ярдәм итү һәм мәктәпләрдә медиаүзәкләрне үстерү.
Бәйгегә республика гомуми белем бирү учреждениеләреннән мәктәп медиа командалары катнаша ала. Алар төрле форматларда чыгыш ясарга мөмкин: басма матбугат (газеталар, журналлар), радио һәм телестудияләр, SMM-проектлар һәм башка медиаюнәлешләр. Катнашучыларның яше – 12дән 18 яшькә кадәр.
Эшләр ике төп номинация буенча бәяләнәчәк: «Рус телендәге мәктәп медиасы» һәм «Татар телендәге мәктәп медиасы».
Фестивальгә кагылышлы барлык актуаль мәгълүмат «Ялкын» журналының сайтында һәм социаль челтәрләрдә, шулай ук фестивальнең рәсми Telegram-каналында – @mediafestyalkin урнаштырылган. Катнашу өчен махсус онлайн-форманы тутыру таләп ителә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев