Шиһабетдин Мәрҗани йортында мәдәни-агарту киңлеге булдырылачак
Бу хакта «Татар-информ»га «Тарихи мохит» МБУ директоры Элина Табакчи сөйләде
Иске Татар бистәсендәге Шиһабетдин Мәрҗани йортын реконструкцияләүгә әзерлиләр. Бу хакта «Татар-информ»га «Тарихи мохит» МБУ директоры Элина Табакчи сөйләде.
«Бу объект безнең карамакта, һәм без хәзер «Татинвестгражданпроект» белән берлектә Шиһабетдин Мәрҗани йорты буенча проект-смета документациясен проектлау һәм эшләү этабында торабыз. Без киләсе елда төзелеш һәм ремонт эшләренә финанслау алырга өметләнәбез», - дип билгеләде Табакчи.
Аның сүзләренә караганда, йортта мәдәни-агарту киңлеге оештырырга планлаштыралар.
«Безнең планда – биредә мәдәни-агарту киңлеге булдыру. Монда кешеләр үзләренә кызыклы шөгыльләр таба алачак, иҗади белем бирү лабораторияләрендә катнашачак, татар телен өйрәнәчәк һәм, гомумән, бу йорт Иске Татар бистәсендә яңа җәлеп итү ноктасына әвереләчәк», – дип өстәде ул.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев