Данир Сабиров белән хатыны туй көнендә талашкан?

Җырчы, юмор остасы Данир Сабиров бу арада әтисенең туган ягы Үзбәкстанда йөреп кайтты. Тормыш иптәше Миләүшә белән бергә яши башлауларына 14 ел тулуы, шуңа күрә ашыга-ашыга кайтуы турында сөйләде. Ләкин җырчыны хәләл җефете Миләүшә артык ачык чырай белән каршы алмаган булса кирәк. Миләүшә сторисларында Данир белән талашулары турында сөйләгән. 

«Туй көнебездә Данир белән талаштык. Ул юлдан соң бик арган иде. Һәм монда мин туй көнебездә… бәйрәм һәм игътибар көткән идем.  Дөрес, бүген ул хатасын төзәтте – миңа чәчәк бәйләме бүләк итте. Без дуслаштык.

Әйе, әйе, мин шундый көйсез. Игътибар, бүләкләр яратам. Мин үземне моңа лаек дип уйлыйм. Данир хатын-кызлар ирләр өчен бөтен эшне эшли торган үзбәк колоритына ияләшеп кайткан. Әле җиргә төшә алмый. Тик, гафу итегез, мин – татар кызы, һәм безнең монда башка колорит», – дип яза ул. 

Чыганак: Интертат