Салават Миңнеханов кар яуганда малай сорап дога кылган

Татар эстрадасы җырчысы Салават Миңнеханов кар яуганда кар көрәшергә малай да булсын иде дип, малай сорап дога кылган. Бу хакта ул инстаграмындагы сәхифәсендә язган.

- Мондый көнне догалар кабул була, диләр. Эх, берәр малай ярдәмче булса иде. Амин, — дип язган Салават Миңнеханов.

Инстачылар җырчыга теләктәшлек белдереп: «Аллаһның амин дигән чагына туры килсә иде», «Аллаһ теләсә, малайлар булыр, Салават энем», «Бирсен Ходай. Кемне бирсә дә, сау-сәламәт балалар бирсен», «Догаларыгыз кабул булсын, көтмәгәндә әйбәт хәбәр килсен», «Әйдәгез инде, бер малай да алып кайтыгыз», — дип язганнар. 

Чыганак: Интертат