Авыл клубында бәйрәм уздырырга ярыймы?
Сорау-җавап
“Узган ел авыл клубларында Яңа ел бәйрәмнәрен уздырырга рөхсәт ителмәде. Быел ярыймы?” М.ФӘРРАХОВА.
Әлеге сорауга район башкарма комитеты җитәкчесе урынбасары Ольга БАЖЕНОВА җавап бирә:
– Агымдагы елның 11 октябреннән ял итү, күңел ачу, спорт чараларын, күргәзм әләрне ачык һавада бер үк вакытта 200дән артык булмаган кеше катнашында уздырырга рөхсәт ителә. Бина эчендә уздыру өчен ТР буенча Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәт идарәсенә чара уздырырга җиде көн кала язмача хәбәр юлларга кирәк. Моннан тыш, бина эчендә бер үк вакытта булган затларга кагылышлы (4 квадрат метрга – 1 кеше исәбеннән, әмма 100 кешедән дә артык түгел) барлык таләпләр дә үтәлергә тиеш.
Оешмалар, шәхси эшмәкәрләр чараларны тамашачылар залы 70 проценттан да артык тулы булмаган хәлдә уздыра алалар. Әмма түбәндәге шартларның үтәлеше мөһим. Беренчедән, хезмәткәрләр, шул исәптән чараны оештыручылар коронавируска каршы прививка ясаткан булырга тиеш (бу исемлеккә вакцина ясатуга расланган медицина каршылыгы булганнар керми). Икенчедән, 18 яшьтән зурраклар чарага QR-код буенча гына кертелә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев