Нәүрүз «яңа көн» туу дигәнне аңлата. Ул – төркичә яңа ел.

Татарларда һәм төрки халыкларда Нәүрүз исеме астында билгеле булган Яңа ел бәйрәмен билгеләп үтү гореф-гадәте бар. Безнең бабаларыбыз яңа елны күп еллар дәвамында – яз көннәрендә, көн һәм төн тигезләшкән вакытта үткәргәннәр һәм ул 21 мартка туры килгән.
Ул көнне үткәрелгән бәйрәм бәйгеләрендә татар кызлары бөтен яклап үзләренең осталыгын күрсәткәннәр. Алар татар халык җырларын башкаруда, милли бию осталыгында, милли ашлар әзерләүдә ярышканнар. Егетләр арасында аркан тартышу, уктан ату һәм башка ярышлар үткәрелгән.