Бозаулар янды

Узган җомгадагы көчле яшен Кадыбаш авылына зур фаҗига алып килде. Биредә бинаны яшен сугып, бозаулар фермасын бик тиз арада бөтен яктан ут чолгап алды. Бозауларны коткарып калып булмады . Янгын сүндерүчеләр тырышлыгы белән генә ялкын телләре башка биналарга күчми калды.Шул ук төнне Яңа Чекалда авылында кеше яшәми торган йортны да яшен сукты. Моннан тыш, шул көнне Иж-Бубый авылында көчле яңгыр һәм боз яшелчә, җиләк-җимешкә, бакчалардагы чәчәкләргә шактый зур зыян китергән.