Эшмәкәр яраткан этенә биш миллион доллар васыять итеп калдырган

Американың Теннесси штатында яшәүче эшмәкәр Билл Доррис яраткан этенә — Лулу кушаматлы бордер-коллига 5 миллион доллар чамасы акча васыять итеп калдырган. Васыять нигезендә, акча Лулу исеменә трастка күчерелә. Бу турыда «Интерфакс» хәбәр итте.

8 яшьлек Лулуны мәрхүмнең дус хатыны Марта Бертон тәрбияләячәк. Доррис моңа кадәр дә Лулуны Мартага калдыра торган булган. Ул шәһәрдән киткәндә этен карау өчен айлык хезмәт хакы да биргән. 

Бертон сүзләренчә, Доррисның балалары юк, ул этен бик яраткан.

Марта Бертон Лулу васыять ителгән акчаларны тотып бетерә алмас дип шикләнә, тик ул моның өчен тырышачагын әйтә.

АР басмасы хәбәр иткәнчә, мәрхүм Доррисның автострада янындагы җир участогы да калган. Биредә конфедератлар армиясе генералы Натаниэль Бедфорд Форрестка һәйкәл куелган. Участок һәм һәйкәл язмышын судта хәл итәчәкләр, диелә хәбәрдә. 

Чыганак: Интертат

Фото: pixabay.com