Евгений Бареков: Мин бөтенләй соңга калмыйм дияргә була

Сентябрь аенда Соңга калу көне билгеләп үтелә икән. Сез соңга калып йөрисезме? Билгеләнгән вакытка килмәгән кешеләргә карата фикерегез нинди? Газета укучыларыбызга шул сораулар белән мөрәҗәгать иттек.

Евгений БАРЕКОВ, Әгерҗе тимер юл вокзалы җитәкчесе:

– Тимер юл төгәл график нигезендә эшли һәм поездларның соңга калуы – бик сирәк күренеш. Бу техника ватылган яки берәр хәл килеп чыккан очракта гына булырга мөмкин. Ә үземә килгәндә, мин бөтенләй соңга калмыйм дияргә була. Башкаларның да соңга калып йөрүләрен яратмыйм. Төгәллеккә баланы кече яшьтән өйрәтергә кирәк дип уйлыйм.