Исәнбай җырчысы – “Иске Казан түгәрәк уены“ныда

Бүген Биектау районының Шәпше авылында «Иске Казан түгәрәк уены» татар фольклоры республика фестиваленең йомгаклау туры уза. Анда 400дән артык башкаручы катнаша.

Безнең районнан әлеге фестивальдә Исәнбайдан моңлы җырчы Гөлшат ТАҖЕТДИНОВА җырлый.

- Түгәрәк уен һәр ел киң колач җәя бара. Проектта катнашырга теләүчеләр саны артканнан арта, - фестивальне оештыручы Эльмира Каюмова. - Анда быел 52 фольклор коллективы һәм республиканың 21 районыннан, шулай ук Казаннан солистлар чыгышы көтелә. Барлыгы 400ләп кеше катнашачак. «Иске Казан түгәрәк уены» бәйрәменә килгән һәр кеше халык йолалары белән таныша ала.